又一個新開始

(其實﹐每一分每一秒都係一個新開始)

話咁快﹐真係話咁快…
如果日記隔得太耐無打﹐
你會發現一啲新元素會唔覺唔覺咁加左落你既生活中

上一篇原來係我第一日返工…
而現在…
馬仔早已放暑假
高考放埋榜嚕…
一路都無估計自己會拎咩GRADE﹐
不過有幻想下自己GEOG考得好好﹐又或者抄Q哂既情境…
最後我地竟然連睇成績咁大件事都增添玩樂元素﹐
重回中六時期的「一齊翻卷」…
放榜既緊張加一齊翻卷既興奮﹐感覺有點兒戲﹐但難忘
以文科泥講﹐我的叫做不過不失(?)﹐又係難搵學校既分﹐
一定要有返咁上下標青先有間好睇ｄ既ｕ入…文科人既悲哀！

甚至﹐大學聯招都放埋…教院歡迎我
以前大想頭的我想讀地理又想做教師…
而家﹐叫做踏出第一步喇 :)
哈﹐咁就過左個幾月！

近排阿姨"補習社"開張﹐
我頻頻落去幫手…
做RECEPTION同喺OFFICE化零為整﹐亦係我嚮往
媽咪成日話叫我收返人工﹐可能覺得我咁樣幫手真係蝕底啦…
但我覺得呢d都係難得﹐寶貴既經驗泥既﹐
有啲可惜既係過多一個月我應該搬去大埔住hall﹐
好難出去荃灣兼返啲生活費... :p
希望過多一排阿姨既補習社真係客似雲來﹐學生人數激增 ^^


近排有朋友同我講﹐life is hard
我就覺得﹐某部份係正確既﹐
生命真係充滿挑戰!
但﹐[老土]開心又係咁過﹐唔開心又係咁過
點解唔hap hap py py 呢 ^^?
我都同人講過我對好多野既睇法都太美好喇
而且我主張隨遇而安 (我覺得友人覺得我太阿q了﹐亦我反而覺得佢太完美主義…)
樂觀啲唔好咩?
我就認為﹐
你行既每一步﹐做既每一個決定﹐都係自願﹐同埋之前作既業(業報：簡單泥講姐係因果)﹐而家自己受返…
所以我唔會怨﹐唔會後悔…
(雖則我有時真係會"如果"返以前：如果我中一果陣乖乖地讀書…如果…) :p
諗下係可以﹐但絕對唔可以沉溺喺自己既如果世界入面

最後﹐我想講既﹐(亦係點解我buy佛教*)
各位老友記！
記得活在當下﹐創做未來！

*佛教既十二因緣有12個item﹐
頭2個係過去﹐中間8個係現在﹐尾2個係未來﹐
可見佛家都係著重當下﹐而過去同未來﹐亦都只係現在既因﹐同現在既果…

詳細我唔識解喇-3-
話哂2年有多無掂本佛學書﹐
不過如果你有興趣知﹐
我好樂意刨返熟本書最解比你聽 :)


加油 呀我們 !


-----------

埋左尾﹐唯有另外講﹐
在此記下：
剛剛又有返去新學校果一種興奮！
期待^^